მსახიობ გიორიგ გიორგანაშვილის (ბახალა) მხარდასაჭერად დღეს თბილისში აქცია გაიმართა. გიორგანაშვილი უკვე 4 თვეა პატიმრობაში იმყოფება. მას პროკურატურა  ნარკოტიკული ნივთიერების, ბუპრენორფინის ფლობას ედავება, თუმცა მსახიობი ბრალდებას უარყოფს და აცხადებს, რომ პოლიციამ ნარკოტიკული ნივთიერება “ჩაუდო”. გიორგი გიორგანაშვილი უარს აცხადებს საპროცესო გარიგებაზე.

დაკავებულის ადვოკატის თქმით,  გიორგანაშვილის დაკავების ინტერესი ის იყო, რომ პოლიცია სხვა საქმესთან თანამშრომლობასა  და ისეთი ინფორმაციის მიწოდებას სთხოვდა, რის შესახებაც არაფერი იცოდა.  მას 8 წლიდან 20 წლამდე თავისუფლების აღკვეთა ან უკანონო პატიმრობა ემუქრება.

როგორც გიორგანაშვილის ადვოკატი და მეგობრები აცხადებენ, მსახიობს 4 თვეა შეზღუდული აქვს კომუნიკაციის უფლება. დღევანდელ აქციაზე გიორგანაშვილის წერილი წაიკითხეს, რომელიც მსახიობმა საპატიმროში ადვოკატს გადასცა.

მსახიობის საქმეზე მორიგი სასამართლო პროცესი ხვალ, 14 ივლისს გაიმართება. ადვოკატის თქმით, დაცვის მხარე გეგმავს აღმკვეთი ღონისძიების სახით პატიმრობის ნაცვლად გირაოს მოთხოვნით შაუმდგომლობის დაყენებას.