დუშეთის მუნიციპალიტეტში მაშველები 5 უცხოეთის მოქალაქეს ეძებენ. SOS შეტყობინება საგანგებო სიტუაციების მართვის სააგენტომ გუშინ, 6 ივლისს, დაახლოებით საღამოს 10 საათისთვის მიიღო. როგორც სააგენტოში აცხადებენ, დაკარგულები შველას ითხოვდნენ.
სააგენტოს ინფორმაციით, დადგინდა კოორდინატები, სადანაც SOS შეტყობინება შემოვიდა და მაშველებმა სამაშველო ღონისძიებები დაიწყეს.
სამაშველო ღონისძიებები 5 ტურისტის საპოვნელად დუშეთის მუნიციპალიტეტში ამ დრომდე გრძელდება. შეტყობინება, სააგენტოს ინფორმაციით, გუროს ხეობის მიმდებარე ტერიტორიიდან მიიღეს.