“ეს არის პირველი შემთხვევა, ფაქტობრივად, როცა ჩვენ გვაქვს შესაძლებლობა არა მხოლოდ ვილაპარაკოთ იმაზე, თუ რა უნდა გაკეთდეს, არამედ შევაფასოთ, რა გაკეთდა წინა პერიოდში. საკმაოდ დიდი, ოთხწლიანი პერიოდი გავიდა და ჩვენ გვაქვს საშუალება შევაფასოთ, თუ რა იქნა მიღწეული ამ ოთხი წლის განმავლობაში. რა თქმა უნდა, ასეთ ღონისძიებებზე წინ არის ხოლმე წამოწეული პრობლემები, ნაკლოვანებები, რომლებიც უნდა იყოს გადაჭრილი, მაგრამ ეს ბუნებრივიცაა. იმ ქვეყნების შეფასება, რომლებიც მიიჩნევა, რომ კარგად ახორციელებენ რეფორმებს, როგორც წესი, დადებითად ხდება. აღმოსავლეთ პარტნიორობის ფარგლებში გათვალისწინებულია, რომ თითოეულ ქვეყანასთან ხდება ინდივიდუალური მიდგომა, შესაბამისად, ამ შეფასებას ძალიან დიდი მნიშვნელობა აქვს. ძალიან მნიშვნელოვანია რას აკეთებთ, მაგრამ ასევე მნიშვნელოვანია ისიც, თუ როგორ არის ეს აღქმული”, – განაცხადა ფილიპ დიმიტროვმა. მისი თქმით, ვილნიუსის სამიტზე არაფრის ხელმოწერა არ ხდება, რადგან “სამიტი არ არის ხელმოწერების მაგიდა”, თუმცა აქ ხდება კონკრეტულ დოკუმენტებზე მსჯელობა, რომელთა ხელმოწერაც შესაძლოა მოგვიანებით მოხდეს.
