ოქრუაშვილი: საქართველო ვალშია ივანიშვილის წინაშე

“შეიძლება ვინმეს ჩემი განცხადება ხმამაღალ გამონათქვამად მოეჩვენოს, მაგრამ საქართველო ვალშია ბიძინა ივანიშვილის წინაშე”, – ამის შესახებ თავდაცვის ყოფილმა მინისტრმა ირაკლი ოქრუაშვილმა გადაცემა “ღია ეთერისთვის” მიცემულ ინტერვიუში განაცხადა.

“ამ შემთხვევაში მე გამონაკლისი არ ვარ, მეც ამ ქვეყნის ნაწილი ვარ და ვთვლი, რომ მისი მონაწილეობით ქვეყანა გადარჩა რაღაც საშინელებას. ამას თუ დავამატებთ იმას, რომ მე მომეცა საშუალება დავბრუნებულიყავი სახლში და დამემტკიცებინა საკუთარი უდანაშაულობა, თავისთავად დამოკიდებულება აშკარად დადებითია”, – განაცხადა ოქრუაშვილმა.

ირაკლი ოქრუაშვლის განცხადებით, ყველაზე დიდი გამოწვევა, რომლის წინაშეც ბიძინა ივანიშვილი დგას, კვალიფიციური ადამიანური რესურსის დეფიციტია, რადგან “ნაციონალურმა მოძრაობამ” და მიხეილ სააკაშვილმა “გაიწოვეს და მოწამლეს” კვალიფიციური და განათლებული კადრები.

ნეტგაზეთის მასალების სხვა გამოცემებში გადაბეჭდვის წესი
netgazeti.ge