“სახელმწიფო დაცვის სპეციალური სამსახური არ არის ის ორგანიზაცია, რომელსაც ევალება საზოგადოებრივი წესრიგის დაცვა და ევალება საზოგადოებრივი წესრიგის დამრღვევთა წინააღმდეგ ქმედებების განხორციელება. საქართველოს ტერიტორიაზე საზოგადოებრივი წესრიგის დამყარების ვალდებულება აქვს მხოლოდ პოლიციას”, – განაცხადა საქართველოს პრეზიდენტის პრესსპიკერმა მანანა მანჯგალაძემ დღეს, 11 თებერვალს.
მისივე თქმით, სახელმწიფო დაცვის სეპციალურ სამსახურს ამ ფუნქციის შესრულების ვალდებულება 8 თებერვალს არ ჰქონდა, რადგან ეროვნული ბიბლიოთეკის შენობაში არ იმყოფებოდა დასაცავი ობიექტი – საქართველოს პრეზიდენტი.
პრეზიდენტის ადმინსიტრაცია ყველას მოუწოდებს, შეწყვიტონ საზოგადოების მიზანმიმართულად შეცდომაში შეყვანა.