შინაგან საქმეთა სამინისტრის ცნობით, დღეს, 3 მაისს, დაახლოებით საღამოს 6 საათისთვის თეთრიწყაროში მომხდარ ავტოავარიას 2 ადამიანი ემსხვერპლა.
მათივე ცნობით, ერთმანეთს 2 მსუბუქი ავტომობილი შეეჯახა. ორივე დაღუპული ერთ ავტომობილში იჯდა, ერთი მათგანი მძღოლი იყო, ხოლო მეორე – მგზავრი.
გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ორი ან მეტი ადამიანის სიცოცხლის მოსპობა.