შეგახსენებთ, რომ  ვლადიმერ ბედუკაძე 18 იანვარს, გვიან ღამით აეროპორტში ჩამოფრენისთანავე დააკავეს. ბედუკაძეს დაუსწრებლად წაყენებული ბრალი გააცნეს და თბილისის საერთაშორისო აეროპორტიდან პირდაპირ გლდანის მე–8 საპყრობილეში გადაიყვანეს. ვლადიმერ ბედუკაძის უფლებებს ადვოკატები ლალი აფციაური და ელზა ჯმუხაძე იცავენ. ბედუკაძე აეროპორტში ღამის 1 საათზე ჩამოფრინდა.

ვლადიმერ ბედუკაძე 19 იანვარს 2 000 ლარის გიროს სანაცვლოდ გათავისუფლდა.  იგი ბრალს არ აღიარებს.

შეგახსენებთ, რომ გლდანის #8 საპყრობილის ყოფილ თანამშრომელს თბილისის საქალაქო სასამართლოს მიერ დაუსწრებლად აქვს მისჯილი პატიმრობა აღკვეთის ღონისძიების სახით. მას ბრალად ედება ადამიანების წამება. ბედუკაძეზე, რომელიც ბელგიაში იმყოფებოდა, ძებნა ინტერპოლის ცირკულარით იყო გამოცხადებული, 16 იანვარს მასზე ძებნა შეწყდა. ვლადიმერ ბედუკაძე აცხადებს, რომ სწორედ მან გადაიღო გლდანის ციხეში პატიმრების წამების ამსახველი ვიდეომასალა, რომელიც საქართველოში 18 სექტემბერს გავრცელდა. მისივე თქმით, პატიმრების წამება ყოფილი შს მინისტრის – ბაჩო ახალაიას უშუალო მითითებით ხორციელდებოდა.