სოფიკო ჭიაურელი - როგორც ქართული მოდის სახე - Netgazeti • 2017 • თბილისის მოდის კვირეული • Netgazeti.ge

თბილისის მოდის კვირეული 19 აპრილს ქართველი მსახიობის, სოფიკო ჭიაურელის საიუბილეო საღამოთი გაიხნა. კვირეულის ორგანიზატორების თქმით, ისინი ცდილობენ საფუძველი ჩაუყარონ ახალ ტრადიციას და ყოველი მოდის კვირეული ქართული კულტურის ლეგენდებს დაუთმონ. საღამოზე წარმოადგინეს აუდივიზუალური მასალა და პერფორმანსები მსახიობის ცნობილი კოსტუმების გამოყენებით.

“მე ვფიქრობ, რომ სოფიკო ჭიაურელის სახე და მისი სტილი დღესაც კი არის ძალიან მოდური, ექსტრავაგანტული და საინტერესო. სოფოს ისეთი სახე ჰქონდა თავად, რომ დღეს პერფორმანსზე მის ერთ კოსტუმს რამდენიმე მსახიობი წარმოადგენს. ის იყო განუმეორებელი ადამიანი,” – ამბობს საღამოს სამხატვრო დირექტორი ბასა ფოცხიშვილი.

საღამოს, სხვა მოწვეულ სტუმრებთან ერთად, კულტურის მინისტრი და თბილისის მერიც ესწრებოდნენ. რიგით მე-15 მოდის კვირეული ხუთ დღეს გასტანს და განრიგში 21 ღონისძიებაა.

თბილისის მოდის რიგით მე-15 კვირეული გაიხსნა 19.04.17 ფოტო: ნეტგაზეთი/გუკი გიუნაშვილი

პირველი ლედი, მაკა ჩიჩუა თბილისის მოდის კვირეულის გახსნას დაესწრო 19.04.17 ფოტო: ნეტგაზეთი/გუკი გიუნაშვილი

20-23 აპრილს, ისტორიის მუზეუმში „ქარვასლა“ განთავსებული „მეიდან ჯგუფის“ საღონისძიებო სივცრეები გააერთიანებს ჩვენებების დარბაზს, პრესრუმს და სამუშაო შოუ-რუმს. 20 აპრილს მარიამ გვასალიას ჩვენებით გაიხსნება კვირეულის სამუშაო განრიგი, იმავე საღამოს კახაბერის პრეზენტაციაც მოეწყობა. დიზაინერი ანი დათუკიშვილი თავის კოლექციას უჩვეულო გარემოში, სკოლის სასწავლო ოთახებსა და დერეფანში მოაწყობს. კვირეულის განრიგში ასევე აღმოაჩენთ პროექტს “იპოვეთ ქალი/ TROUVEZ LA FEMME / FIND THE WOMAN“, რომელიც არტსიტერიუმის ორგანიზებით 21 აპრილს 21:00 საათზე ქარვასლაში გაიმართება და 3 დღეს გასტანს.

კვირეულის დასკვინითი ნაწილი იქნება დიზაინერ ლაშა ჯოხაძის ჩვენება, რომელიც თბილისის მერიის მხარდაჭერით განახლებულ აღმაშენებელზე, ახალი ტფილისის საფეხმავლო ტერიტორიაზე გაიმართება.

შემოდგომა/ზამთარი 2017 წლის სეზონზე თბილისის მოდის კვირეულის ოფიციალურ განრიგში კიდევ უფრო მეტი ახალგაზრდა და ნიჭიერი დიზაინერის ჩვენებაა დაგეგმილი: ELENNY – ელენე გიორგაძე, MIA დიზაინერი მია ფაილოძე, Laboratory The Window, ETHERE ACCESOIRE, Atelier 27, Atelier MARTA, გიორგი ტატანაშვილი, LIKAFORLIKA. კვირეულს ორი უკრაინული ბრენდი ეწვევა, Lara Quint და SAYYA, რუსული ბრენდი ZLATOSTUDIO, სომხური SONCESS და ლონდონში დაფუძნებული ბრენდი ZDDZ, რომლის ჩვენება/პრეზენტაციაც თბილისში კომპანია EY-ის ოფისში გაიმართება.