11 იანვარს ნინოწმინდის რაიონული პოლიციის თანამშრომლებმა ჩატარებული ოპერატიული ღონისძიების შედეგად ნინოწმინდის რაიონის სოფელ ხანჩალში საბრძოლო მასალის შეძენა-შენახვის ფაქტზე 2 პირი დააკავეს. ამის შესახებ განცხადებას შსს ავრცელებს.
როგორც სამინისტროში აცხადებენ, სამართალდამცველებმა სოფელ ხანჩალში დაკავებული ვარსოს ჩ.-ს საცხოვრებელ სახლთან მდებარე დამხმარე სათავსოს ჩხრეკისას არარეგისტრირებული პისტოლეტი “KG-52″ – ე.წ. „რაკეტნიცა” და საზენიტო დანიშნულების 216 ვაზნა ამოიღეს.
“დაკავებული ჰამლეტ ჩ.-ს საცხოვრებელი სახლის ჩხრეკისას კი – უკანონოდ შენახული 3005 მსხვილკალიბრიანი შაშხანის და 37 ცალი საზენიტო დანიშნულების ვაზნა ამოიღეს.”
ორივე ფაქტზე საქმე საქართველოს სისხლის სამართლის კოდექსის 236-ე მუხლის პირველი ნაწილით აღიძრა. გამოძიებას სამცხე-ჯავახეთის სამხარეო მთავარი სამმართველოს ნინოწმინდის რაიონული პოლიციის სამმართველო აწარმოებს.