ნეტგაზეთი | პრეზიდენტმა 91 მსჯავრდებული შეიწყალა პრეზიდენტმა 91 მსჯავრდებული შეიწყალა – Netgazeti

პრეზიდენტმა 91 მსჯავრდებული შეიწყალა

საქართველოს პრეზიდენტმა გიორგი მარგველაშვილმა 91 მსჯავრდებული შეიწყალა. პრეზიდენტმა განკარგულებას დღეს 12 აპრილს, მოაწერა ხელი.

პრეზიდენტის შეწყალებულ მსჯავრდებულთაგან 4 ქალია. პრეზიდენტის ადმინისტრაციის ცნობით, 62 მსჯავრდებული დღესვე დატოვებს თავისუფლების აღკვეთის დაწესებულებას, მათ შორის- 3 ქალი; დანარჩენ 29 მსჯავრდებულს, რომელთაგან 1 ქალია, შეფარდებული სასჯელი შეუმცირდება სხვადასხვა ფორმით.

აღნიშნული ინფორმაცია დღეს გამართულ პრესკონფერენციაზე ჟურნალისტებს შეწყალების კომისიის თავმჯდომარემ ზვიად ქორიძემ გააცნო. პრეზიდენტის განკარგულება უკვე გაეგზავნა საქართველოს სასჯელაღსრულებისა და პრობაციის სამინისტროს.

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com