საზოგადოებრივი მაუწყებლის 30 ახალ თანამშრომელზე, რომელიც არხმა 2017 წლის 6 იანვრის შემდეგ დაიქირავა, თვეში 76 ათასზე მეტი ლარი იხარჯება. ეს ინფორმაცია და ინფოგრაფიკა “ნეტგაზეთს” მაუწყებლის სამეურვეო საბჭოს წევრმა, სულხან სალაძემ მიაწოდა.
მისი თქმით, ეს ინფორმაცია ოფიციალურად გამოითხოვა და 4 მარტს მიიღო.
ამ მონაცემების მიხედვით, მაუწყებლის იმ 63 თანამშრომლის ჯამური სახელფასო ანაზღაურება, რომლებიც არხზე მანამდეც მუშაობდნენ და კონტრაქტები გაუგრძელეს, 82812 ლარია.
არხის ახალი მენეჯმენტი, თანხების დაზოგვის მიზნით, 2019 წლამდე საზოგადოებრივი მაუწყებლის ყველა გადაცემის დახურვას გეგმავდა.