შსს–ს გადაწყვეტილებით, წინა ხელისუფლების მიერ შეძენილი 50–მდე მანქანა იყიდება, რომელთა წინასწარი ჯამური რაოდენობაც 3 მილიონამდე ლარია, სანაცვლოდ კი შსს–მ ‘ტოიოტა ცენტრი თბილისისგან’  35 ავტომანქანა შეიძინა, რაც 2 მილიონ ლარზე მეტი დაუჯდა.

ახალი ავტომანქანები ბოლო ერთი თვის მანძილზეა შეძენილი, დაფინანსების წყაროდ კი 2012 წლის ბიუჯეტია მითითებული.

როგორც სამინისტროს განცხადებაშია აღნიშნული, “შსს-ს ხელმძღვანელობის გადაწყვეტილებით, სამინისტროს ბალანსზე არსებული, ძვირადღირებული, ელიტური ავტომანქანები აუქციონის წესით გაიყიდება. ზოგიერთი მათგანის  ღირებულება 100 000 დოლარს აღემატება,  ხოლო  მათი საერთო ტექნიკური მომსახურება წელიწადში მილიონ ლარზე მეტი  ჯდებოდა”, – ნათქვამია შინაგან საქმეთა სამინისტროს განცხადებაში.

შსს–ს მიერ შეძენილი ახალი მანქანების სია კი ასე გამოიყურება:

შსს აფხაზეთის ა/რ მთავარი სამმართველო –  ტოიოტა ლენდ კრუიზერი (რაოდენობა 2) – 190`300 ლარი 

შსს საპატრულო პოლიციის დეპარტამენტი –  ტოიოტა ლენდ კრუიზერ პრადო (რაოდენობა 2) – 112`600 ლარი

შსს ქვემო ქართლის სამხარეო მთავარი სამმართველო – ტოიოტა კოროლა (რაოდენობა 1), ტოიოტა ლენდკრუიზერ პრადო (რაოდენობა 3) 196`500 ლარი

შსს სამცხე-ჯავახეთის სამხარეო მთავარი სამმართველო – ტოიოტა ლენდ კრუიზერ პრადო (რაოდენობა 3) ტოიოტა კოროლა (რაოდენობა 1)196`500 ლარი

შსს კახეთის სამხარეო მთავარი სამმართველო –  ტოიოტა ლენდ კრუიზერ პრადო (რაოდენობა 3) ტოიოტა კოროლა (რაოდენობა 1)  – 196`500 ლარი

შსს გურიის სამხარეო მთავარი სამმართველო – ტოიოტა ლენდ კრუიზერ პრადო (რაოდენობა 3) ტოიოტა კოროლა (რაოდენობა 1) – 196`500 ლარი

შსს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველო – ტოიოტა ლენდ კრუიზერ პრადო (რაოდენობა 3) ტოიოტა კოროლა (რაოდენობა 1) – 196`500 ლარი

შსს სამეგრელო-ზემო სვანეთის სამხარეო მთავარი სამმართველო – 112`600 (რაოდენობა 2)

საქართველოს შსს აჭარის არ მთავარი სამმართველო – ტოიოტა ლენდ კრუიზერი (რაოდენობა 1) – 72`100 ლარი

საქართველოს შსს ქ. თბილისის მთავარი სამმართველო – ტოიოტა ლენდ კრუიზერ პრადო (რაოდენობა 2) – 144`200 ლარი

შსს-შიდა ქართლის სამხარეო მთავარი სამმართველო  – ტოიოტა ლენდ კრუიზერ პრადო (რაოდენობა 3) ტოიოტა კოროლა (რაოდენობა 1) – 196`500 ლარი

შსს-მცხეთა-მთიანეთის სამხარეო მთავარი სამმართველო – ტოიოტა ლენდ კრუიზერი (რაოდენობა 1) , ტოიოტა ლენდ კრუიზერ პრადო (რაოდენობა  1) – 190`300 ლარი.