ნეტგაზეთი | 23 მარტს ეროვნული უშიშროების საბჭოს სხდომა ნატოს საკითხზე გაიმართება 23 მარტს ეროვნული უშიშროების საბჭოს სხდომა ნატოს საკითხზე გაიმართება – Netgazeti
RU | GE  

23 მარტს ეროვნული უშიშროების საბჭოს სხდომა ნატოს საკითხზე გაიმართება

საქართველოს პრეზიდენტის მოწვევით, საქართველოს ეროვნული უშიშროების საბჭოს სხდომა 2017 წლის 23 მარტს, 17:00 საათზე, საქართველოს პრეზიდენტის რეზიდენციაში გაიმართება.

პრეზიდენტის ადმინისტრაციის ცნობით, სხდომის დღის წესრიგის მიხედვით შემდეგი საკითხები უნდა განიხილონ:

  1. შავი ზღვის რეგიონში არსებული უსაფრთხოების გარემო
    მომხსენებელი: საქართველოს ეროვნული უშიშროების საბჭოს მდივანი დათუნა რაქვიაშვილი
    თანამომხსენებლები: საგარეო საქმეთა მინისტრის მოადგილე დავით დონდუა, შეირაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია.
  2. საქართველო-ნატო:
    2.1 საქართველოს მონაწილეობა შავი ზღვის უსაფრთხოების დიალოგში და თანამშრომლობის ფორმატები
    2.2. საქართველო-ნატოს პარტნიორობის დღის წესრიგი
    მომხსენებელი: დავით დონდუა
    თანამომხსენებლები: საქართველოს თავდაცვის მინისტრი ლევან იზორია, დათუნა რაქვიაშვილი
  3. რეფორმები თავდაცვის სამინისტროში
    მომხსენებელი: ლევან იზორია
    თანამომხსენებელი: ვლადიმერ ჩაჩიბაია
  4. საქართველოს ეროვნული უსაფრთხოების სისტემა ჰიბრიდული საფრთხეების ფონზე და საქართველოს პრეზიდენტის ინიციატივა: „საქართველოს ეროვნული უშიშროება – ერთიანი ეროვნული მიდგომა“
    მომხსენებელი: დათუნა რაქვიაშვილი

ეროვნული უშიშროების საბჭოს სხდომაში მონაწილეობის მისაღებად მოწვეულნი არიან საბჭოს მუდმივი წევრები და საგარეო საქმეთა მინისტრის მოადგილე დავით დონდუა.

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com