შსს–ს ინფორმაციით, ბრალდებული 2012 წლის 1 ოქტომბერს, საქართველოს საპარლამენტო არჩევნების მიმდინარეობისას, კასპის 33-ე უბანზე საარჩევნო ურნაში წინასწარშემოხაზული, ყალბი ბიულეტენების ჩაყრას შეეცადა. დანაშაულის ჩადენის დროს გიორგი მ. პირობითი მსჯავრის ქვეშ იმყოფებოდა (ის 2011 წელს ქურდობისთვის სსსკ-ის 177-ე მუხლით გასამართლდა და ექვსწლიანი პირობითი სასჯელი შეეფარდა).
საქმე საქართველოს სისხლის სამართლის კოდექსის 19-164-ე მესამე პრიმა მუხლით (არჩევნების გაყალბების მცდელობა) აღიძრა. დანაშაული ორ წლამდე თავისუფლების აღკვეთას ითვალისწინებს. მიმდინარეობს გამოძიება.