ახალი ამბები

საქართველოს ევროკავშირთან უვიზო მიმოსვლამდე ერთი პროცედურა დარჩა

1 მარტი, 2017 • 2860
საქართველოს ევროკავშირთან უვიზო მიმოსვლამდე ერთი პროცედურა დარჩა

ევროპარლამენტის პრეზიდენტმა და ევროკავშირის საბჭოს თავმჯდომარე ქვეყნის წარმომადგენლმა დღეს, 1 მარტს, საქართველოსთვის უვიზო მიმოსვლის მინიჭების და შეჩერების მექანიზმის შესახებ საკანონმდებლო ცვლილებას ხელი მოაწერეს.

“რადიო თავისუფალი ევროპის/რადიო თავისუფლების” (RFE/RL) ჟურნალისტი ბრიუსელიდან, რიკარდ იოზვიაკი წერს, რომ ცვლილება ევროკავშირის ოფიციალურ ჟურნალში საბოლოოდ 8 მარტს გამოქვეყნდება, რომელიც 20 დღის შემდეგ ძალაში შევა, რაც ნიშნავს, რომ ევროკავშირთან უვიზო მიმოსვლით სარგებლობა საქართველოს მოქალაქეებს 28 მარტიდან შეეძლებათ.  

 
შეგახსენებთ, რომ ევროპარლამენტმა საქართველოსთან სავიზო რეჟიმის გაუქმებას მხარი 2 თებერვალს დაუჭირა.  ევროკავშირთან უვიზო მიმოსვლის სრულად ამოქმედების შემდეგ ბიომეტრიული პასპორტის მქონე საქართველოს მოქალაქეს შეეძლებათ შენგენის ზონის ქვეყნებში ტურისტული მიზნით უვიზოდ გაემგზავროს და 180 დღის მანძილზე 90 დღე დარჩეს.

მასალების გადაბეჭდვის წესი