ნეტგაზეთი | ჩარგალში ბრაკონიერებმა შველი მოკლეს – გარემოს დაცვის სამინისტრო ჩარგალში ბრაკონიერებმა შველი მოკლეს – გარემოს დაცვის სამინისტრო – Netgazeti
RU | GE  

ჩარგალში ბრაკონიერებმა შველი მოკლეს – გარემოს დაცვის სამინისტრო

გარემოს დაცვის სამინისტროს ინფორმაციით, ბრაკონიერობის კიდევ ერთი შემთხვევა მოხდა დუშეთის მუნიციპალიტეტის სოფელ ჩარგლის მიმდებარედ.

სამინისტროს ცნობით, გარემოსდაცვითი ზედამხედველობის დეპარტამენტის აღმოსავლეთის რეგიონული სამმართველოს თანამშრომლებმა  მონადირეთა 6-კაციანი ჯგუფი დააკავეს, რომლებსაც უკვე მოპოვებული და დანაწევრებული შველი აღმოაჩნდათ.

“ყველა მათგანი იდენტიფიცირებულია. ბრაკონიერები აღიარებენ ჩადენილ დანაშაულს.
შედგა შესაბამისი ოქმი. გარემოსთვის მიყენებულ ზიანის ოდენობამ 5000 ლარი შეადგინა. ქმედება შეიცავს საქართველოს სისხლის სამართლის კოდექსით გათვალისწინებული დანაშაულის ნიშნებს, შესაბამისად, მასალები შემდგომი რეაგირებისთვის შინაგან საქმეთა სამინისტროში გადაიგზავნება”, – ნათქვამია გარემოს დაცვის სამინისტროს განცხადებაში.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com