ახალი ამბები

მოსწავლესთან სქესობრივი კავშირის ბრალდებით სკოლის მანდატური დააკავეს

26 იანვარი, 2017 • 1904
მოსწავლესთან სქესობრივი კავშირის ბრალდებით სკოლის მანდატური დააკავეს

პროკურატურამ წინასწარი შეცნობით 16 წელს მიუღწეველთან სქესობრივი კავშირის ბრალდებით  საჯარო სკოლის ყოფილ მანდატურს   სისხლის სამართლის კოდექსის 140-ე მუხლით ბრალი  წარუდგინა.

“გამოძიებით დადგინდა, რომ  მანდატურმა  2016 წლის სექტემბრის დასაწყისში მეზობელი და იმავე სკოლის მოსწავლე, 15 წლის გოგონა  სოციალური ქსელის საშუალებით შეხვედრაზე დაითანხმა და დაუსახლებელ ადგილზე მასთან დაამყარა სქესობრივი კავშირი.  სამართალდამცველებმა პირი სასამართლოს განჩინების საფუძველზე დააკავეს.   პროკურატურამ მისთვის აღკვეთის ღონისძიების სახით დაპატიმრების გამოყენების მოთხოვნით  სასამართლოს უკვე  მიმართა.

საქმეზე გრძელდება გამოძიება სისხლის სამართლის კოდექსის 140-ე მუხლით (სქესობრივი კავშირი წინასწარი შეცნობით 16 წელს მიუღწეველთან), რაც სასჯელის სახედ და ზომად  თავისუფლების  აღკვეთას    შვიდიდან – ცხრა წლამდე  ვადით ითვალისწინებს”, – ნათქვამია პროკურატურის განცხადებაში.

მასალების გადაბეჭდვის წესი