“მე ვაძლევ ქართულ სოფელს პირობას, რომ თითოეული ქართული სოფელი იგრძნობს ყურადღებას და თანადგომას საქართველოს მთავრობისგან, ყველა სოფელს ექნება წყალი, ყველა სოფელს ექნება გზა, ყველა სოფელში იქნება ინტერნეტი, საქართველოში დასრულდება დენის გამრიცხველიანება, საქართველოში დასრულდება გაზის რეაბილიტაცია. ჩვენ საქართველოში გავაშენებთ 500 ახალ სასოფლო–სამეურნეო საწარმოს, ჩვენ საქართველოში დამატებით 90 000 ჰექტარს მოვრწყავთ, 35 000 ჰექტარს დავაშრობთ, ჩვენ საქართველოში ვიყიდით დამატებით 2 000 კომბაინს, ტრაქტორს და აგრეგატს, რათა თითოეულ სოფლის მეურნეს ჰქონდეს საშუალება დაამუშაოს საკუთარი მიწის ნაკვეთი. ჩვენ დავეხმარებით ქართველ გლეხებს, რათა ჭარბი სასოფლო–სამეურნეო პროდუქცია გაიტანონ საზღვარგარეთ და არ მიიღონ პრობლემები ჭარბი პროდუქციის წარმოებისაგან. ჩემი მიზანია გავაორმაგო საქართველოს სოფლის მეურნეობის პროდუქცია”, – განაცხადა მერაბიშვილმა.