მანამდე ივანიშვილმა აქციაზე შეკრებილებს რუსთავის მაჟორიტარი დეპუტატობის კანდიდატი ზვიად ძიძიგური წარუდგინა, რომელიც დაახასიათა, როგორც კოალიციის ყველაზე სტაჟიანი პოლიტიკოსი.
“პატარა-პატარა პრობლემები ჩვენს კოალიციაში აქვთ ერთმანეთთან, მაგრამ არ არსებობს კოალიციის რომელიმე წევრი, ვისაც რაიმე პრობლემა აქვს ზვიად ძიძიგურთან,” – განაცხადა ბიძინა ივანიშვილმა.
კოალიცია “ქართული ოცნების” აქცია დღეს რუსთავში გაიმართა. მანამდე ასეთივე აქციები კოალიციამ გამართა თბილისში, ქუთაისში, ოზურგეთში, გორში, მცხეთაში, ბათუმში.