დღეს, 30 ოქტომბერს, იტალიის ცენტრალურ ნაწილში, პერუჯას პროვინციაში, ქალაქ ნურსიასთან ახლოს 6.6 მაგნიტუდის სიმძლავრის მიწისძვრა მოხდა. ეს არის ერთ-ერთი ყველაზე ძლიერი მიწისძვრა იტალიაში მას შემდეგ, რაც 2 თვის წინ მიწისძვრის შედეგად აქ 300-მდე ადამიანი დაიღუპა და რამდენიმე ქალაქი დაინგრა.
BBC-ს ცნობით, დღევანდელი მიწისძვრის გამო ბიძგები იგრძნობოდა რომში და ვენეციაშიც კი. მიწისძვრა ადგილობრივი დროით დილით, 7:40 საათზე მოხდა. მიწისვძრას რამდენიმე ქალაქში მოჰყვა შენობების ნგრევა, თუმცა მსხვერპლის შესახებ ინფორმაცია ჯერ უცნობია.
Crollata la Cattedrale di #norcia
Un colpo al cuore. #TerremotoItalia pic.twitter.com/jgrRcHaKMl— Ferdinando (@ferdinantripodi) October 30, 2016
საქართველოს საგარეო საქმეთა სამინისტროს ცნობით, იტალიის ცენტრალურ ნაწილში მომხდარ ძლიერ მიწისძვრასთან დაკავშირებით ქ. რომში საქართველოს საელჩოში 24 საათიან რეჟიმში მოქმედებს ცხელი ხაზი: (+39 333) 887 91 23. საქართველოს საგარეო საქმეთა სამინისტროს საკონსულო დეპარტამენტში ასევე მოქმედებს 24 საათიანი ცხელი ხაზი: (+995 32) 294 50 50.
“მოვუწოდებთ იტალიაში მყოფ საქართველოს მოქალაქეებს, საჭიროების შემთხვევაში დაუკავშირდნენ საკონსულო დაწესებულებას”, – აცხადებს საგარეო უწყება.
