ხაშურში კოალიციის მაჟორიტარობის კანდიდატად ბიძინა ივანიშვილმა ცნობილი ბიზნესმენი ვალერი გელაშვილი დაასახელა 15 ივლისს გორში გამართულ წინასაარჩევნო აქციაზე.

თავდაპირველად მან გელაშვილის მაგივრად გელბახიანი ახსენა, რასაც აქციის მოანწილეები ტაშით შეხვდენ, თუმცა მალევე დასძინა, რომ შეეშალა და სცენაზე გასულ გელაშვილს მოუბოდიშა. აქციის მოანწილეები გელაშვილსაც ტაშით შეხვდნენ. 

დღესვე ცნობილი გახდა კოალიცია “ქართული ოცნების” მაჟორიტარობის კანდიდატები გორში, კასპსა და ქარელში.

ივანიშვილმა გორის   მაჟორიტარობის კანდიდატად დაასახელა სოსო ვახტანგიშვილი,  მინისტრის ყოფილი მოადგილე,  კასპში დავით ონოფრიშვილი – ყოფილი ფინანსთა მინისტრი, ხოლო ქარელში სპორტსმენი ლერი ხაბელოვი.