“ნეტგაზეთმა” დღეს, 10 ივნისს აღნიშნულ ოჯახს მიაკითხა. ნარგიზა ბაძგარაძე ქუთაისში, რუსთაველის გამზირზე, “ქართული ოცნების” ოფისის გვერდით მდებარე სახლში ცხოვრობს. სწორედ აღნიშნულ სახლში მიიტანეს გუშინ მაცივარი.

“სახლი უკვე გაყიდული მაქვს, ნახეთ, ბარგი შეკრული მაქვს, მაცივარი ვიყიდე გუშინ, აქვე მაქვს ქვითარიც და საგარნტიო ფურცელიც, რომ ნამდვილად მე შევეძინე. არავითარი კავშირი არა მაქვს “ქართულ ოცნებასთან”. გუშინ მოვიდნენ ჟურნალისტები, გადაიღეს ჩუმად ეს კადრები და არც უკითხავთ ჩვენთვის არაფერი. რომ ეკითხათ, ვეტყოდით და ავუხსნიდით, რაც მოხდა სინამდვილეში,” – უთხრა “ნეტგაზეთს” ნარგიზა ბაძგარაძემ.