ერთობლივმა საერთაშორისო საგამოძიებო ჯგუფმა დაადგინა, რომ უკრაინის ტერიტორიაზე ჰოლანდიიდან მალაიზიისაკენ მიმავალი MH17-ის რეისის თვითმფრინავი “რუსეთისგან მხარდაჭერილი” მებრძოლების მიერ კონტროლირებადი ტერიტორიიდან ჩამოაგდეს. ამის შესახებ ინფორმაციას BBC ავრცელებს.
საერთაშორისო გამოძიების განცხადებით, ის სამხედრო ტექნიკა (Buk), რომლითაც თვითმფრინავი ჩამოაგდეს, უკრაინის ტერიტორიაზე რუსეთიდან შეიტანეს. აფეთქების შედეგად ბოინგის ყველა მგზავრი დაიღუპა.
გამომძიებელთა საერთაშორისო ჯგუფი ჰოლანდიის ხელმძღვანელობით შეიქმნა და მასში ჩართული იყვნენ გამომძიებლები ჰოლანდიიდან, ავსტრალიიდან, ბელგიიდან, მალაიზიიდან და უკრაინიდან.
