ყოფილი პრეზიდენტის, მიხეილ სააკაშვილის განცხადებით, ადამიანს მარიხუანას მოწევისთვის ციხეში არ უნდა სვამდნენ.
“მარიხუანის მოწევის გამო ადამიანი ციხეში არ უნდა იჯდეს, ეს შეცდომა იყო და ეს შეცდომა იყო ჩვენიც [ნაციონალური მოძრაობა] და ამათიც [ქართული ოცნება] , მაგრამ მსოფლიოც წინ მიდის. მარიხუანასთან მიმართებაში მსოფლიოში 2003 წელს სიტუაცია სულ სხვა იყო და სულ სხვა არის დღეს. 2003 წელს ნიუ იურკში იჭერდნენ მოწევისთვის, წელს არ იჭერენ,” – განაცხადა სააკაშვილმა.
მისივე თქმით, “ნაციონალურ მოძრაობას” ხელისუფელბაში ყოფნის დროს რეფორმების მეორე ტალღის განხორციელება დააგვიანდა, მათ შორის კრიმინალთან ბრძოლის კუთხით:
“ყველანაირი დასჯის სისტემა უნდა იყოს ადამიანისთვის მომავლის პერსპექტივის გამჩენი. ორი მომენტია, ერთი – საზოგადოების დაცვა და სამაგიეროს გადახდა ჩადენილი დანაშაულისთვის და მეორე – პერსპექტივის გაჩენა. პერსპექტივის გაჩენაში ჩვენ მოვისუსტებდით, სამწუხაროდ, ეს მთავრობაც მოისუსტებს. “