გარემოს დაცვის ეროვნული სააგენტოს ინფორმაციით, საქართველოში ქარის ინტენსივობა ხვალ საღამოსთვის შემცირდება.
“ხვალ ქარი შედარებით ნაკლები ინტენსივობის იქნება, დღის მეორე ნახევარში თანდათანობით შესუსტდება. ხვალვე დასავლეთ საქართველოს უმეტეს რაიონში დღის მეორე ნახევარში ველოდებით თოვლს. აღმოსავლეთ საქართველოშიც ზოგან ითოვებს, მაღალმთიან რაიონებში მოსალოდნელია ქარბუქი,”-განმარტავენ სააგენტოში.
რაც შეეხება შემდეგ დღეებს, სააგენტოს ინფორმაციით, დასავლეთ საქართველოში 21 თებერვლიდან გამოიდარებს და მთელ საქართველოში ტემპერატურა 0– დან 5 გრადუსის ფარგლებში იქნება.
