დელ ბოსკე საქართველოს ნაკრებს დაცვაში კარგი თამაშის გამო აქებს

ეს იყო იმედგაცრუება. ცუდად არ გვითამაშია, მაგრამ ვერ შევძელით დაგვეძლია მათი დისციპლინირებული დაცვა. ჩვენ ვაფასებთ, რაც მათ გააკეთეს დაცვის თვალსაზრისით”, – ასე გამოუხმაურა ესპანეთის ნაკრების მთავარი მწვრთნელი ვისენტე დელ ბოსკე საქართველოსთან მარცხს.

მატჩის შემდგომ პრესკონფერენციაზე დელ ბოსკემ თქვა, რომ ესპანეთის ნაკრებს ევროპის ჩემპიონატის თვალსაზრისით წინ შესანიშნავი გამოწვევა ელის და ამ მარცხმა გუნდი რელსებიდან არ უნდა გადააგდოს.

“ჩვენ ევროპის ჩემპიონატს ენთუზიაზმით და შიშის გარეშე ვხვდებით… არაფერი იცვლება”, – თქვა დელ ბოსკემ.

საქართველოს ნაკრებმა მადრიდში გამართულ ამხანაგურ დაპირისპირებაში ესპანეთი 0-1 დაამარცხა და თავის ისტორიაში ალბათ ყველაზე სენსაციური გამარჯვება მოიპოვა. ერთადერთი გოლი პირველ ტაიმში თორნიკე ოქრიაშვილმა გაიტანა ჯაბა ჯიღაურის პასით.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com