მეორე ადგილზე “კომუნისტური პარტიაა”, არჩევნებზე მათ ხმების 19.13 პროცენტი მიიღეს, მას 13.18 პროცენტით მოჰყვება მემარცხენე-ცენტრისტული “სამართლიანი რუსეთი”, ვლადიმირ ჟირინოვსკის “ლიბერალ-დემოკრატებს” 11.66 პროცენტი აქვთ და მეოთხე ადგილზე გადიან.
სამმა პარტიამ – “იაბლოკომ”, “მართალმა საქმემ” და რუსეთის პატრიოტებმა– ვერ შეძლო შვიდპროცენტიანი ბარიერის გადალახვა. სახელმწიფო სათათბიროში მოსახვედრად პარტიამ ხმათა 7%-ზე მეტი უნდა მოაგროვოს.
რუსეთის ცენტრალური საარჩევნო კომისიის თავმჯდომარის ვლადიმერ ჩუროვის განცხადებით, ბიულეტენების 95% უკვე დათვლილია.
შეგახსენებთ, გუშინ რუსეთში სახელმწიფო დუმის არჩევნები ჩატარდა. არჩევნებზე 95 ათასი საარჩევნო უბანი იყო გახსნილი და მონაწილეობას შვიდი პარტია იღებდა.