აზერბაიჯანის საგარეო საქმეთა სამინისტრომ “ევროვიზიის” გუშინ, 10 მაისს გამართული ნახევარფინალის დროს, მთიანი ყარაბაღის დროშის გამოჩენასთან დაკავშირებით ოფიციალური განცხადება გააკეთა.
“სომხეთის მსგავსი პროვოკაციული ქმედებები დაუშვებელია”, – განაცხადა აზერბაიჯანის საგარეო საქმეთა სამინისტროს ოფიციალურმა წარმომადგენელმა, ჰიკმეთ გაჯიევმა.
საგარეო უწყებაში აცხადებენ, რომ ამ ფაქტზე აზერბაიჯანი უკმაყოფილებას გამოხატავს ევროვიზია-2016 ის საორგანიზაციო კომიტეტის მიმართ.
სომხეთის წარმომადგენელმა, ივეტა მუკუჩიანმა შედეგების გამოცხადების დროს ყარაბაღის დროშა აწია.
