აზერბაიჯანის თავდაცვის უწყების ოფიციალური ცნობით, მთიანი ყარაბაღის კონფლიქტის ზონაში 9 მაისს აზერბაიჯანის მხარემ სომხეთის პოზიციებს 128-ჯერ გაუხსნა საპასუხო ცეცხლი.
სამინისტროს ცნობით, 9 მაისის ღამეს ცეცხლის შეწყვეტის რეჟიმი თავდაპირველად სომხეთმა დაარღვია, როდესაც აზერბაიჯანის პოზიციებს ცეცხლი გაუხსნა.
9 მაისის ფაქტზე განცახადება გააკეთეს სომხეთისა და ყარაბაღის მხარეებმაც და აზერბაიჯანი ცეცხლის შეწყვეტის რეჟიმში დაადანაშაულეს.
მთიანი ყარაბაღის კონფლიქტის ზონაში ვითარება განსაკუთრებით 2016 წლის 2 აპრილის შემდეგ დაიძაბა. ხუთდღიანი საბრძოლო მოქმედებების დროს ორივე მხრიდან ათეულობით სამხედრო პირი და მშვიდობიანი მოქალაქე დაიღუპა და დაშავდა.
