საქართველოს ეროვნული ნაკრების წევრი, ბერძნულ-რომაული სტილით მოჭიდავე ზურაბ დათუნაშვილი 75 კგ. კატეგორიაში ევროპის ჩემპიონი გახდა. რიგაში გამართული ჩემპიონატის ფინალურ ეტაპზე დათუნაშვილმა სერბი მეტოქე, ვიქტორ ნემესი დაამარცხა და ოქროს მედალი მოიპოვა.

დათუნაშვილმა პირველ შეხვედრაში საფრანგეთის ნაკრების წევრი ევრიკ ნიკოგოსიანი 2:24 წუთში 8-0 დაამარცხა, მერვედფინალში თურქ ემრაჰ კუშს მოუგო 3-3, მეოთხედფნალში 1:44 წუთში სუფთად დაამარცხა სომეხი კარაპეტ ჩალიანი 8-0, ნახევარფინალში კი აზერბაიჯანელ ელვინ მურსალიევს 3-1 სძლია.