კახა კალაძის საარჩევნო ბანერის დაზიანების ბრალდებით, სისხლის სამართლის წესით დააკავეს 23 წლის სტუდენტი, მეგი დიასამიძე.
დიასამიძეს შსს სისხლის სამართლის კოდექსის 187-ე მუხლის საფუძველზე, ნივთის დაზიანებას ან განადგურებას ედავება.
ამ მუხლის მიხედვით, სხვისი ნივთის დაზიანება ან განადგურება, რამაც მნიშვნელოვანი ზიანი გამოიწვია, ისჯება:
- ჯარიმით
- საზოგადოებისათვის სასარგებლო შრომით 100-დან 180 საათამდე
- გამასწორებელი სამუშაოთი ვადით ერთ წლამდე
- შინაპატიმრობით ვადით ექვსი თვიდან ორ წლამდე
- ან ერთიდან 5 წლამდე თავისუფლების აღკვეთით.
მეგი დიასამიძე დღეს, ბათუმში დააკავეს და ზაჰესის იზოლატორში გადმოიყვანეს. მის ინტერესებს ადვოკატი შოთა თუთბერიძე დაიცავს.