ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ევროკავშირის ლიდერებმა მხარი დაუჭირეს თავდაცვისა და უსაფრთხოების ზრდის გეგმას.

ევროკავშირის 27-მა სახელმწიფომ მხარი დაუჭირა კომისიის წინადადებას, რომელიც ახალი დაფინანსების ინსტრუმენტებით, თავდაცვის ხარჯების 800 მილიარდ ევრომდე ზრდას ისახავს მიზნად. ეს შესაძლებელი უნდა გახდეს, ერთი მხრივ, ევროკავშირის ბიუჯეტით მხარდაჭერილი 150 მილიარდ ევრომდე სესხის მობილიზებით, მეორე მხრივ კი, საბიუჯეტო შეზღუდვების შემსუბუქებით, რათა მსურველმა ქვეყნებმა გაზარდონ სამხედრო ხარჯები. ასევე, მოუწოდეს ევროკომისიას, შეისწავლოს ახალი გზები, რათა ხელი შეუწყოს მნიშვნელოვან თავდაცვის ხარჯებს ყველა წევრ ქვეყანაში.

რუსეთისა და ბელარუსის საფრთხეების გათვალისწინებით, ევროპულმა საბჭომ ხაზი გაუსვა აღმოსავლეთ საზღვრის დაცვის მნიშვნელობას.

უნგრეთის პრემიერ-მინისტრმა ვიქტორ ორბანმა მხარი არ დაუჭირა ევროპული საბჭოს დასკვნებს უკრაინის ნაწილში. შესაბამისად, 26 ქვეყნის სახელით გამოიცა ცალკე განცხადება, რომელიც ადასტურებს, რომ უკრაინაზე მოლაპარაკებები არ უნდა წარიმართოს უკრაინის გარეშე.

შეთანხმება ითვალისწინებს უკრაინისთვის 30,6 მილიარდი ევრო დახმარების გამოყოფას – 12,5 მილიარდი უკრაინის ფონდიდან, 18,1 მილიარდი კი, G7-ის ERA-ს ინიციატივით, რომელიც რუსეთის გაყინული აქტივების მოგებიდან ანაზღაურდება.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.