29 ნოემბერს, დილის 07.00 საათზე სპეცრაზმმა თბილისში, რუსთაველის გამზირზე დააკავა ანტირუსული აქციის მონაწილეები და საბოლოოდ დაშალა აქცია. მოქალაქეები აპროტესტებენ მმართველი პარტიის, „ქართული ოცნების“ გადაწყვეტილებას ევროკავშირში გაწევრების შეჩერების შესახებ.
სპეცრაზმი ფიზიკურად გაუსწორდა რამდენიმე მომიტინგეს, მათ შორის უფლებადამცველ ნიკა რომანაძეს.
ჯერჯერობით აქციაზე დაკავებულების რაოდენობა უცნობია. პოლიციამ აქციის დასაშლელად გამოიყენა წყლის ჭავლი, ცრემლსადენი გაზი და წიწაკის სპრეი, დაშავდნენ მოქალაქეები, მათ შორის ჟურნალისტები.