100-ზე მეტი არასამთავრობო ორგანიზაცია კიდევ ერთხელ მოუწოდებს საქართველოს პარლამენტს, არ მიიღონ რუსული კანონი. მათი თქმით, კანონში ცვლილებების შეტანა ვერ შეცვლის იმ უარყოფით შედეგებს, რასაც ის საქართველოს მოუტანს
“ჩვენ, ქართული არასამთავრობო ორგანიზაციები, კიდევ ერთხელ ვაცხადებთ, რომ ხელისუფლების მიერ მეორე მოსმენით მიღებული კანონპროექტი საკუთარი მიზნებითა და შინაარსით არის რუსული, მიმართულია ქართველი ხალხის დასავლური კურსის წინააღმდეგ და ის უპირობოდ უნდა იქნას უკან გაწვეული. ვერანაირი შესწორება ვერ შეცვლის იმ დამანგრეველ შედეგებს, რასაც ამ კანონის ამოქმედება ჩვენს საზოგადოებას მოუტანს.
თვეზე მეტია, ქართველი ხალხი რუსული კანონით პუტინის წესების დამკვიდრებას ეწინააღმდეგება. 11 მაისის უპრეცედენტოდ მრავალრიცხოვანმა აქციამ ნათლად აჩვენა, რომ ქართველი ხალხი იაზრებს ამ კანონის მზაკვრულ მიზნებს, არ ეპუება ხელისუფლების მცდელობას, დააშინოს მოსახლეობა და ურყევად იცავს ქვეყნის დასავლურ კურსს. შეისმინეთ ერთიანი და მტკიცე ქართული საზოგადოების ხმა. ხელისუფლებამ ეს კანონი უპირობოდ უნდა გაიწვიოს!
კი ევროპას! არა რუსულ კანონს!”, – წერია სამოქალაქო ორგანიზაციების მიერ გავრცელებულ განცხადებაში.
10 მაისს, ტელემედიისთვის გამართულ ბრიფინგზე პრემიერ-მინისტრმა ირაკლი კობახიძემ განაცხადა, რომ ვეტოს პროცედურის ფარგლებში შესაძლოა “პოზიციები შეჯერდეს” რუსულ კანონთან დაკავშირებით. მისი თქმით, ამასთან დაკავშირებით საუბარი ჰქონდა ევროპის საბჭოს პრეზიდენტთან, შარლ მიშელთანაც. ჟურნალისტის დამაზუსტებელ კითხვებს, მზად არის თუ არა “ქართული ოცნება” კანონპროექტში ცვლილებების შესატანად, მათ შორის, მის სახელწოდებასთან დაკავშირებით, კობახიძე დაეთანხმა.
“ხო, ისე რა აზრი აქვს დისკუსიას?! რა თქმა უნდა. მივიღებთ სამართლებრივ შენიშვნებს და ამის გაზიარებაზეა საუბარი”, – თქვა კობახიძემ.
პრემიერ-მინისტრის საპასუხოდ, პრეზიდენტმა სალომე ზურაბიშვილმა განაცხადა, რომ რუსულ კანონს ვეტოს დაადებს, მაგრამ “არ შევა მანიპულაციებში და არ დაიწყებს თამაშს”. სალომე ზურაბიშვილი ამბობს, რომ პრემიერის მცდელობა, ვეტოს პროცედურის ფარგლებში რუსულ კანონის დაინიციირებულ ვერსიაში ცვლილებები შევიდეს, საზოგადოებაში დაბნეულობას გააჩენს. ამიტომ, სავარაუდოა, რომ ის ვეტოს უფლებას კანონპროექტში შინაარსობრივი შენიშვნების გარეშე გამოიყენებს.
განცხადებას ხელს აწერენ შემდეგი ორგანიზაციები:
- ა(ა)იპ “ტოლერანტობის სამყარო”
- ა(ა)იპ “ადამიანის უფლებების განვითარების ფონდი”
- ადამიანის უფლებათა ცენტრი (HRC)
- ასოციაცია მერკური
- ახალქალაქის ბიზნეს ცენტრი
- განათლების და განვითარების ცენტრი თოლისკური
- გერგარტი
- გორელ ფოტოგრაფთა კლუბი
- გურიის სამოქალაქო ცენტრი
- დემოკრატიის ინსტიტუტი
- დემოკრატიის კვლევის ინსტიტუტი (DRI)
- დემოკრატიის მცველები
- ევროპის ფონდი
- ევროპულ-ქართული ინსტიტუტი
- ეკონომიკური პოლიტიკის კვლევის ცენტრი (EPRC)
- ვი2თექ ჯორჯია
- ზ/სვანეთის ადგილობრივი განვითარების ჯგუფი
- თავისუფალ ჟურნალისტთა სახლი
- თაობათა გაძლიერების ქსელი (GEN)
- თბილისი პრაიდი
- თბილისის ადამიანის უფლებათა სახლი
- ინფორმაციის თავისუფლების განვითარების ინსტიტუტი (IDFI)
- ირის ჯგუფი – მრავალფეროვნების მართვა
- კავკასიის ეკომეწარმეთა ასოციაცია
- კავკასუს პრინციპიუმი
- კოალიცია მოძრაობა ცვლილებებისათვის
- კომლი
- ლომეკი
- მარგარეტ ტეტჩერის ცენტრი საქართველოში
- მედია აპრილი
- მიშგოვ ლარდა (ზემო სვანეთი)
- მმართველობის მონიტორინგის ცენტრი
- მოძრაობა “ინკლუზიური საზოგადოება – საქართველო”
- მრავალპარტიული დემოკრატიის ცენტრი (EECMD)
- მშვიდობისა და ინტეგრაციის საერთაშორისო ცენტრი
- მშობლები განათლებისთვის
- მწვანე ალტერნატივა
- მწვანე სექტორი
- მხარდაჭერის და შესაძლებლობის განვითარების ცენტრი
- ნეო ტვ
- ოჯახები დისკრიმინაციის წინააღმდეგ
- პარტნიორობა ადამიანის უფლებებისთვის (PHR)
- პარტნიორობა განათლებისა და კომუნიკაციისთვის
- პარტნიორობა სოციალური კეთილდღეობისათვის პსკ
- პლატფორმა სალამ
- პრევენცია პროგრესისთვის
- რაჭის სათემო ორგანიზაცია
- რეფორმებისა და კვლევის ჯგუფი (RRG)
- საბჭოთა წარსულის კვლევის ლაბორატორია
- საერთაშორისო გამჭვირვალობა საქართველო
- საზოგადოებრივი მოძრაობა “მწვანეები”
- საზოგადოებრივი ხელოვნების პლატფორმა
- სამართლიანი არჩევნებისა და დემოკრატიის საერთაშორისო საზოგადოება (ISFED)
- სამოქალაქო აქტივობისა და რეგიონული განვითარების ცენტრი
- სამოქალაქო თანასწორობის პლატფორმა
- სამოქალაქო იდეა
- სამოქალაქო მოძრაობა თავისუფლებისთვის
- სამოქალაქო საზოგადოების ინსტიტუტი
- სამოქალაქო საზოგადოების ფონდი
- სამოქალაქო ჩართულობისა და აქტივიზმის ცენტრი (CEAC)
- საორსა
- საფარი
- საქართველოს ახალგაზრდა იურისტთა ასოციაცია
- საქართველოს გაეროს ასოციაცია
- საქართველოს დაუნის სინდრომის ასოციაცია
- საქართველოს დემოკრატიული ინიციატივა (GDI)
- საქართველოს ევროპული ორბიტა
- საქართველოს მედია-კლუბი
- საქართველოს პენცენტრი
- საქართველოს ჟურნალისტური ეთიკის ქარტია
- საქართველოს რეფორმების ასოციაცია (GRASS)
- საქართველოს სასამართლოს გუშაგი (Court Watch)
- საქართველოს სასოფლო დარბაზი
- საქართველოს სტრატეგიისა და საერთაშორისო ურთიერთობების კვლევის ფონდი
- საქართველოს ქალთა დემოკრატიის ქსელი
- სახეობათა კონსერვციის ცენტრი “ნაკრესი”
- სოციალურ მეცნიერებათა ცენტრი
- სოციალური სამართლიანობის ცენტრი
- ტოლერანტობის და მრავალფეროვნების ინსტიტუტი (TDI)
- უფლებები საქართველო
- ფემეა
- ფემინა
- ფონდი აურეს
- ფონდი გლობალური ინიციატივა ფსიქიატრიაში-თბილისი
- ფორსეტი
- ფსიქოლოგიური მხარდაჭერა საქართველოში Psychological Assistance Georgia
- ქალები საქართველოდან
- ქალთა ინიციატივების მხარდამჭერი ჯგუფი
- ქალთა ორგანიზაცია-კავშირი “პაროს”
- ქართული მედია ჯგუფი
- ქვემო ქართლის მედია
- ქვიარ ასოციაცია – თემიდა
- ღია სივრცე კავკასია
- ყვარლის ევროკლუბი
- შშმ ბავშვთა მშობელთა კავშირი ,,ლამპარი”
- ჩემი იმერეთი
- ცვლილებები თანაბარი უფლებებისათვის
- ცოდნის კაფე
- წამების მსხვერპლთა ფსიქოსოციალური და სამედიცინო რეაბილიტაციის ცენტრი -GCRT
- CENN
- GABP – საქართველოს სხეულზე ორიენტირებული ფსიქოთერაპიის ასოციაცია
- GrlzWave
- Gundelik
- Promote Georgia
