კიევის საქალაქო საბჭომ უკრაინის დედაქალაქში კიდევ ათი ობიექტის სახელი შეცვალა.

უწყების განცხადების თანახმად, სახელთა ცვლილება დეკომუნიზაციისა და დერუსიფიკაციის პროცესის ფარგლებში განხორციელდა. პროცესის ფარგლებში, რუსი მწერლის, მიხეილ ბულგაკოვის ქუჩა ამიერიდან ქართველი მსახიობისა და მომღერლის, ვახტანგ (ბუბა) კიკაბიძის სახელს ატარებს.

უკრაინაში საბჭოთა და რუსული მმართველობის დროს დაწესებული ქალაქების, ქუჩების, სოფლებისა და სხვა ობიექტების სახელთა ცვლილება 2014 წელს დაიწყო, ევრომაიდნისა და რუსეთის მიერ ყირიმის ანექსიისა და დონბასში ომის დაწყების შემდეგ.

პროცესი განსაკუთრებით აქტიურად გაგრძელდა რუსეთის სრულმასშტაბიანი შეჭრის შემდეგ.