„ნეტგაზეთის“ ინფორმაციით უკრაინაში რუსულ საოკუპაციო ძალებთან შეტაკებისას რამდენიმე ქართველი მებრძოლი დაიღუპა.
პირველადი ინფორმაციით დაღუპულია 5 მებრძოლი, თუმცა რაოდენობა და დაღუპულთა ვინაობა ზუსტდება. „ნეტგაზეთმა“ მომხდართან დაკავშირებით საქართველოს საგარეო საქმეთა სამინისტროს მიმართა. უწყებისგან ინფორმაციის მიღების შემდეგ სტატია განახლდება.
განახლება: „ნეტგაზეთს“ საქართველოს საგარეო საქმეთა სამინისტროში განუცხადეს, რომ უკრაინაში საქართველოს საელჩო ადასტურებს საქართველოს ხუთი მოქალაქის გარდაცვალების ფაქტს.
უკრაინაში ომის დაწყებიდან დღემდე რუსეთის აგრესიას უკრაინაში 30-ზე მეტი ქართველი მებრძოლის სიცოცხლე ემსხვერპლა.