დაითვალეს, რამდენი რუსული თვითმფრინავი გაანადგურეს ყირიმში

ყირიმში, რუსეთის შეიარაღებული ძალების კონტროლქვეშ მოქცეულ საკის აეროდრომზე თავდასხმის შედეგად განადგურდა, სულ მცირე:

3 ერთეული Su-30;
4 ერთეული Su-24;
კიდევ ერთი გამანადგურებელი, რომლის გარჩევაც ზუსტად ვერ ხდება და არის ან Su-27 ან Su-30;

ამ დასკვნას აეროდრომზე თავდასხმისა და სატელიტური ფოტოების გაცნობის შემდეგ აქვეყნებენ სამხედრო-ანალიტიკური პლატფორმები, მათ შორის OSINTtechnical-ი.

სატელიტურ ფოტოზე მრგვალად მონიშნულია ჩამოთვლილი გამანადგურებლები, კვადრატებით კი – ერთგვარი „კრატერები“, რაც თავდასხმითი იარაღის მოქმედების შედეგად გაჩნდა.

9 აგვისტოს, 15:20 საათისთვის რუსეთის შეიარაღებული ძალების მიერ ოკუპირებულ ყირიმის ნახევარკუნძულზე, საკის აეროდრომზე აფეთქებები მოხდა.

პლატფორმა „ბაზის“ მიერ ადგილიდან მალევე გავრცელებულ კადრებში ჩანს მნიშვნელოვნად დაზიანებული ავტომობილები.

სატელიტურ ფოტოებში კი განადგურებული თვითმფრინავებიც გამოჩნდა.

10 აგვისტოს, 13:26 საათისთვის, ერთ-ერთ სატელიტურ ფოტოზე, რომელიც პლატფორმა „პლანეტამ“ გამოაქვეყნა, აეროდრომი ასეთ მდგომარეობაში ჩანს:

თავდასხმის შედეგად დაზიანებული ნაწილი თავდასხმამდე და თავდასხმის შემდეგ ასე გამოიყურებოდა (წყარო: ელიოტ ჰიგინსი, საგამოძიებო პლატფორმა „ბელინგქეთის“ რედაქტორი):

ამ შედარებიდან ჩანს, რომ აეროდრომზე, თავდასხმის არეალში, მდებარე სამი შენობა განადგურებულია (ზედა ფოტოში მართკუთხედებით მონიშნული „კრატერები“ სწორედ მათ ადგილასაა), რაც იძლევა საფუძველს, ვივარაუდოთ, რომ თავდასხმა, რა იარაღითაც უნდა ყოფილიყო, საკმაოდ ზუსტი იყო.

Let me be the first one.

And yeah, what air defence doing?

Burn, Russians, burn. pic.twitter.com/uLltDD3Z46

— Kriegsforscher (@OSINTua) August 10, 2022

ზოგიერთი პლატფორმა, მაგალითად, პორტალი Oryx, რომელიც ღია მონაცემებსა და სადაზვერვო ცნობებს სწავლობს, წერს, რომ განადგურდა, სულ მცირე, 4 თვითმფრინავი სუ 30 CM და 6 მოიერიშე-მზვერავი სუ 24 M/MP (5 განადგურდა, ერთი დაზიანდა).

List Of Aircraft Losses During The 2022 Russian Invasion Of #Ukraine 🇷🇺🇺🇦

Russian losses at Saky airbase updated with:

– 4 Su-30SM multirole aircraft (destroyed)
– 6 Su-24M/MR strike/tactical reconnaissance aircraft (5, destroyed, 1x damaged)https://t.co/5JxYI4fmCm

— Oryx (@oryxspioenkop) August 10, 2022

9 აგვისტოს, 15:20 საათისთვის რუსეთის შეიარაღებული ძალების მიერ ოკუპირებულ ყირიმის ნახევარკუნძულზე, საკის აეროდრომზე აფეთქებები მოხდა, რასაც ხანძარი მოჰყვა.

ტურისტებმა მალევე დატოვეს ყირიმის ნახევარკუნძული. გავრცელებულ ვიდეოკადრებში ჩანს, რომ აფეთქებას პლაჟიდან შეშფოთებული უყურებენ დამსვენებლები და ტერიტორიის დატოვებას იწყებენ.

პლაჟზე დამონტაჟებული სათვალთვალო კამერიდან 17:20 საათისთვის (აფეთქებიდან დაახლოებით 2 საათში) გადაღებულ კადრებში კი ჩანს, რომ პლაჟი თითქმის სრულიად დაცარიელებულია.

მოგვიანებით გავრცელებულ კადრებში კი ჩანს, რომ ნახევარკუნძულიდან გასვლისას ავტომობილების გრძელი საცობი წარმოიქმნა.

ამასთან, 10 აგვისტოს კადრები უჩვენებს, რომ აფეთქებიდან 24 საათის შემდეგაც ძლიერი საცობებია ყირიმიდან გასვლისას.

24 hours later, still traffic jam to leave Crimea pic.twitter.com/NkLnQ630dK

— Jay in Kyiv (@JayinKyiv) August 10, 2022

რამ გამოიწვია აფეთქება?

რუსეთის თავდაცვის სამინისტრო აცხადებს, რომ აეროდრომზე შენახული ამუნიცია აფეთქდა და ხანძარი ამან გამოიწვია.

უკრაინის თავდაცვის სამინისტრო აცხადებს, რომ არ იცის მომხდარი აფეთქებებისა და ხანძრის მიზეზი.

რუსული სამთავრობო არხის, RT-ის მთავარმა რედაქტორმა მარგარიტა სიმონიანმა, წყაროების მითითების გარეშე, განაცხადა: „ადგილზე მიაჩნიათ, რომ ეს იყო არა საჰაერო თავდასხმა, არამედ ან დივერსია, ან უპასუხისმგებლობა“.

მოგვიანებით ყირიმის დე ფაქტო ხელისუფლების წარმომადგენლებმა განაცხადეს, რომ აფეთქების შედეგად ერთი ადამიანი დაიღუპა და 9 დაშავდა, მათ შორის 2 ბავშვი.

აფეთქება ყირიმში

„აფეთქებების უკან უკრაინელები დგანან“

„ნიუ-იორკ თაიმზი“ (NYT) უკრაინის მთავრობაში წყაროზე – „სამხედრო მაღალჩინოსანზე“ – დაყრდნობით იუწყება, რომ აფეთქებების უკან უკრაინული მხარე იდგა.

წყაროს თანახმად, ყირიმის ამ საჰაერო ბაზიდან აფრენილი საჰაერო ძალები რეგულარულად ესხმოდნენ უკრაინულ ძალებს სამხრეთის საბრძოლო თეატრში.

გამოცემის წყარო ამბობს, რომ თავდასხმაში მონაწილეობდნენ პარტიზანული ძალები, რომლებიც უკრაინის მთავრობას უჭერენ მხარს, თუმცა არ დაუზუსტებია, უშუალოდ განახორციელეს თავდასხმა, თუ უბრალოდ ეხმარებოდნენ უკრაინის რეგულარული არმიის დანაყოფებს.

NYT-ის თანახმადვე, გამოცემის წყაროს არ დაუზსუტებია, ზუსტად რა ტიპის იარაღი იქნა გამოყენებული, მხოლოდ განაცხადა, რომ „გამოყენებულ იქნა მოწყობილობა, რომელიც ექსკლუზიურად უკრაინული წარმოებისაა“.

“Hrim-2”?

შეიარაღების სპეციალისტი, გიგა ინაშვილი ვარაუდობს, რომ იარაღი, რითაც ყირიმში საკის აეროდრომს უკრაინელებმა დაარტყეს, არის Hrim (ჰრიმ/გრომი) რაკეტები.

ინაშვილის თქმით, გრომის რაკეტებზე მუშაობა უკრაინაში 2013 წლიდან დაიწყო ქალაქ დნიპროში მდებარე Южмаш-ის სარაკეტო ქარხანასთან არსებული საკონსტრუქტორო ბიურო „იუჟნოეს“ მიერ.

მისი თქმით, „ჰრიმ-2“ არის უკრაინული ოპერატიულ-ტაქტიკური სარაკეტო კომპლექსი, რომლის პროექტიც ჯერ კიდევ 80-იანი წლებიდან არსებობდა, თუმცა 90-იანების კრიზისის ფონზე მივიწყებული იყო.

„თავიდან კომპლექსი მხოლოდ უკრაინის არმიისთვის განიხილებოდა, თუმცა 2016 წლიდან პროექტით საუდის არაბეთიც დაინტერესდა და საჭირო ფინანსებიც ჩადო. სამუშაოები უკიდურესად დახურულ რეჟიმში გაგრძელდა. თუმცა, რა ეტაპზე იყო ომამდე პროექტი მიყვანილი, დაზუსტებით უცნობია“, – წერს იგი.

უკრაინული გამოცემა „უნიანის“ არქივში იძებნება 2018 წლით დათარიღებული სტატია, სადაც წერია, რომ „ჰრიმ-2“-ის პირველი საჩვენებელი მანქანა კიევში, სამხედრო აღლუმზე გამოიყვანეს. ამავე ცნობის თანახმად, იარაღი 2017 წლის პირველ ნახევარში გამოსცადეს. „უნიანიც“ წერს, რომ იარაღის განვითარება საუდის არაბეთის დაფინანსებით ხდებოდა.

Hrim-2 ტექნიკური თავისებურებებით და ტექნოლოგიურად არის რუსული „ისკანდერის“ ანალოგი. მახასიათებლები კი, ინაშვილის თანახმად, ასეთია: