Tbilisi Open Air 2022 - ბოლო დღე [ფოტორეპორტაჟი] - Netgazeti • Tbilisi Open Air • Netgazeti.ge

Tbilisi Open Air 2022 – ბოლო დღე [ფოტორეპორტაჟი]

27 ივნისი, 2022 • netgazeti.ge • 1303

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

სამდღიანი კონცერტების შემდეგ Tbilisi Open Air 2022 დასრულდა. მთავარი სცენა უკრაინულმა როკ-ბენდმა Okean Elzy-მ დახურა.

წინა დღეების მსგავსად, ფესტივალის მესამე დღეც წვიმიანი იყო, საცეკვაო მდელოები კი, ტალახიანი. თუმცა, ამის მიუხედავად, Open Air-ზე მაინც შეიკრიბა ათასობით მსმენელი.

მთავარი სცენა ქართულმა Nash Albert-მა გახსნა. მას შემდეგ მსმენელის წინაშე წარდგნენ „წერილი“; Eko & Vinda Folio; Molchat Doma და Rhey. ბოლო, ყველაზე ხანგრძლივი გამოსვლა უკრაინულ Okean Elzy-ს ჰქონდა. ჯგუფს მსმენელი უკრაინის დროშითა და ქვეყნის მხარდამჭერი შეძახილებით დახვდა.

რამდენიმესაათიანი ღონისძიების დროს ჯგუფის სოლისტმა სვიატოსლავ ვაკარჩუკმა რამდენიმეჯერ გადაუხადა მადლობა საქართველოსა და მის ხალხს.

„ჩვენ არ გვინდოდა ეს ომი, ჩვენ არ დაგვიწყია ის, მაგრამ აუცილებლად გავიმარჯვებთ”, – თქვა მან გამოსვლისას.

გამოსვლის შემდეგ მან მსმენელთან ერთად ქართულად შეასრულა – „თბილისო“.