ორწლიანი პაუზის შემდეგ მუსიკალური ფესტივალი Tbilisi Open Air გუშინ, 24 ივნისს დაიწყო, სადაც სტუმრებს ქართველი და უცხოელი ბენდებისა და შემსრულებლების მოსმენის შესაძლებლობა ჰქონდათ.

გუშინდელი დღე მთავარ სცენაზე Newcomers 2022-ის გამარჯვებულმა, MEME-მ გახსნა. 24 ივნისის ჰედლაინერი იყო ჯგუფი CIGARETTES AFTER SEX. შემსრულებლებს შორის იყვნენ ასევე 4D MONSTER LOBSTERS, KODRZ, BEDFORD FALLS და KONOBA.

სამდღიანი ფესტივალი დღეს და ხვალაც გრძელდება. 25 ივნისის ჰედლაინერი ბრიტანული როკ ჯგუფი alt-j იქნება, 26 ივნისს კი ფესტივალს დახურავს უკრაინული როკ ჯგუფი OKEAN ELZY.