საქართველოს ყოფილმა პრეზიდენტმა გიორგი მარგველაშვილმა ევროკავშირის ელჩ კარლ ჰარცელს გადასცა წერილი, რომელსაც ხელს აწერენ უმაღლესი თანამდებობის ყოფილი პირები და ევროკავშირს სთხოვენ, საქართველოს კანდიდატი ქვეყნის სტატუსი მიენიჭოს.
როგორც გიორგი მარგველაშვილმა ნეტგაზეთს განუცხადა, წერილს ხელს აწერს 2016 წლამდე მოქმედი ყველა უმაღლესი თანამდებობის პირი. მათ შორის არიან მესამე პრეზიდენტი მიხეილ სააკაშვილი, პარლამენტის ყოფილი თავმჯდომარეები: აკაკი ასათიანი, ნინო ბურჯანაძე, დავით ბაქრაძე და დავით უსუფაშვილი.
გიორგი მარგველაშვილის მიმართვას არ უერთდება მოქმედი პრეზიდენტი სალომე ზურაბიშვილი, ასევე, „ქართული ოცნების“ დროინდელი პარლამენტის თავმჯდომარეები – ირაკლი კობახიძე, არჩილ თალკვაძე და შალვა პაპუაშვილი.