საზოგადოება

“უკრაინისა და ჩვენი თავისუფლების მხარდასაჭერად” – აქცია პარლამენტთან

3 აპრილი, 2022 • 1805
“უკრაინისა და ჩვენი თავისუფლების მხარდასაჭერად” – აქცია პარლამენტთან

“უკრაინისა და ჩვენი თავისუფლების მხარდასაჭერად” პარლამენტის წინ აქცია გაიმართა. აქციის ორგანიზატორები არიან: „ევროპული საქართველო“, “ტაბულა”, “თავისუფლების ინსტიტუტი” და “ამომრჩეველთა განათლების საზოგადოება”.

დიდ ეკრანზე სპეციალურად აქციისთვის შექმნილი ფილმი უჩვენეს, ასევე აჩიკო გულედანის მიერ სპეციალურად ამ დღისთვის შექმნილი ჰიმნის პრემიერა შედგა. აქცია სიტყვით გამოსვლების გარეშე დასრულდა.

ჰიმნის პრემიერა:

ფილმი, რომელიც აქციაზე უჩვენეს.

“თვეზე მეტია უკრაინელი ხალხი თავისუფლებას ბოროტებისგან თავდაუზოგავად, უდიდესი სისხლის ფასად იცავს! სამყარო შავ-თეთრად გაიყო, თავისუფლების მხარდაჭერა დღეს უკრაინის მხარდაჭერას ნიშნავს და ყველა თავმოყვარე ერის ღირსების საკითხია! საქართველოს ხელისუფლება ეროვნულ ღირსებას გვილახავს მტრის ვერ მცნობ და მოყვრის მგმობ საზოგადოებად წარმოგვაჩენს რომელმაც წარსულიდან ჭკუა ვერ ისწავლა, მზადაა უსაფრთხოების ილუზიისთვის თავისუფლება დათმოს და შედეგად, თავისუფლებაც დაკარგოს და უსაფრთხოებაც! 100 წლის წინ, ჩვენმა დემოკრატიამ სამი წელი გაძლო, სანამ რუსული მონსტრი დაიპყრობდა და ტვინს, გულსა და სულს ამოაცლიდა! ახლა 30 წელია ვძლებთ! მაგრამ, თუ ასე გავაგრძელეთ – დიდია საფრთხე თავისუფალ სამყაროსთან დამარცხებული პუტინის გავლენის ჭაობში ჩავრჩეთ და თავისუფალ სამყაროში თავის დამკვიდრების ისტორიული შესაძლებლობა დავკარგოთ. ახლა, როგორც არასდროს გვჭირდება მოვიკრიბოთ ძალა, გავიხსენოთ რა დევს სასწორზე და ჩვენი ისტორიული მიზნის დასაცავად გავერთიანდეთ. ევროპული საქართველო, თავისუფლების ინსტიტუტი, ტაბულა და ამომრჩეველთა განათლების საზოგადოება 3 აპრილს გამართავს აქციას უკრაინისა და ჩვენი თავისუფლების მხარდასაჭერად. აქციაზე მოისმენთ სიტყვებს, მაგრამ არ იქნება არცერთი სიტყვით გამომსვლელი. აქცია მიეძღვნება ეროვნულ მიზანს. მიზანს, რომელიც ყველა ჩვენგანზე ბევრად დიდია და გაერთიანების ძალას გვაძლევს, როდესაც შეუთანხმებლად, განურჩევლად პარტიული გემოვნებისა, ქუჩაში გავდივართ. 3 აპრილს, 20:00 საათზე ვიკრიბებით პარლამენტთან უკრაინის მხარდასაჭერად, ძალის მოსაკრებად და საერთო მიზნის გასაცხადებლად! თავისუფალ უკრაინას და საქართველოს გაუმარჯოს”, – აცხადებენ აქციის ორგანიზატორები.

მასალების გადაბეჭდვის წესი