მარიუპოლის სამშობიაროს დაბომბვისას მძიმედ დაჭრილი ორსული ქალი დაიღუპა. ამის შესახებ ინფორმაციას პირად ფეისბუკ-გვერდზე ჟურნალისტი ასია დოლინა ავრცელებს. მისვე თქმით, დაიღუპა ბავშვიც.

მარიუპოლში სამშობიარო სახლი და ბავშვთა საავადმყოფო რუსეთის ჯარმა 9 მარტს დაბომბა. შემთხვევის ამსახველი ფოტოები ფოტორეპორტიორმა ევგენი მალოლეტკამ გაავრცელა. სწორედ მან გადაიღო საკაცზე მწოლიარე მძიმედ დაშავებული ორსული, რომელიც მოგვიანებით დაიღუპა.