უკრაინის საგარეო საქმეთა სამინისტროს ინფორმაციით, ომის დაწყებიდან მე-11 დღის მონაცემებით, მოკლულია რუსეთის არმიის 11 ათასი ჯარისკაცი.
გარდა ამისა, როგორც უკრაინის თავდაცვის სამინისტრო აცხადებს, განადგურებულია რუსეთის კუთვნილი:
- 44 მოიერიშე თვითმფრინავი;
- 48 ვერტმფრენი;
- 285 ტანკი;
- 985 დაჯავშნილი სამხედრო მანქანა;
- არტილერიის 109 დანადგარი;
- 21 ანტისაჰაერო რაკეტა;
- გრადის 50 სისტემა;
- 4 უპილოტო საფრენი აპარატი;
- 2 მსუბუქი საზღვაო კატარღა;
- 447 სამხედრო მანქანა;
- 60 საწვავმზიდი.
რუსეთმა, თავის მხრივ, გაავრცელა ინფორმაცია უკრაინისთვის მიყენებულ ზიანზე, რომლის მიხედვითაც, გაანადგურეს 2200-ზე მეტი სამხედრო ობიექტი, 69 მოიერიშე მიწაზე და 24 — ჰაერში, ასევე, ასეულობით ტანკი და სამხედრო მანქანა. რუსეთს ჯერ არ განუახლებია მონაცემები თავისი დაღუპული ჯარისკაცების შესახებ. რამდენიმე დღის წინ გავრცელებული ოფიციალური ცნობების მიხედვით, უკრაინაში დაწყებულ ომს 500-მე რუსი ჯარისკაცი ემსხვერპლა.
რუსეთი უკრაინაში 24 თებერვალს შეიჭრა და მას შემდეგ უკრაინის ქალაქებს უტევს როგორც სახმელეთო, ისე საჰაერო და საზღვაო გზებით. დასავლურმა სახელმწიფოებმა რუსეთს უმკაცრესი სანქციები დაუწესეს.
