მოლდოვის პრეზიდენტმა მაია სანდუმ ქვეყანაში საგანგებო მდგომარეობა გამოაცხადა.
მისი განცხადებით, მოლდოვა მზადაა მიიღოს ათობით ათასი ლტოლვილი უკრაინიდან.
„ჩვენ დავეხმარებით იმ ხალხს, ვისაც ჩვენი დახმარება სჭირდება“, – განაცხადა სანდუმ.
რუსეთი უკრაინას თავს დღეს დაესხა.
პარალელურად, რუსეთმა მოლდოვაში, დნესტრისპირეთში (ტრანსნისტრიაში) დისლოცირებულ რუსულ სამხედრო ბაზაზე წვრთნების დაწყების შესახებ გაავრცელა ინფორმაცია.