აქცია საღამოს 6 საათზე დაიწყო. აქიის მონაწილეებს მიაჩნიათ, რომ მთავრობა მარიხუანას მომხმარებლების მიმართ მკაცრ და არამიზანშეწონილ პოლიტიკას ატარებს. 

აქციის მონაწილე თეო ხატიაშვილმა “ნეტგაზეთს” უთხრა, რომ მარიხუანას მოხმარების აკრძლვა მის მოხარებას არ შეამცირებს, პირიქით- ხელს უწყობს. მისი თქმით, სახელმწიფოს ნარკოპოლიტიკას უფრო მეტი ზიანი მოაქვს, ვიდრე მარიხუანას მოხმარებას. მან ბექა წიქარიშვილის მაგალითი ახსენა და განმარტა, რომ სახელმწიფო “მიზანმიმართულად ებრვის ადამიანებს.”.

აქციაზე მყოფმა ლინა ღვინიანიძემ აღნიშნა, რომ კანონი ვერ შეამცირებს მარიხუანას მომხმარებელთა რაოდენობას. მისი თქმით, სახელმწიფოს მოქმედება მარიხუანას მომხარების წინააღმდეგ მხოლოდ კამპანიით ან სხვა სახის საგანმანათლებლო აქტივობებით უნდა შემოიფარგლოს.