საქართველოს ყოფილი პრეზიდენტი მიხეილ სააკაშვილი, სავარაუდოდ სასამართლოში გადაიყვანეს – გავრცელებულ კადრებში ჩანს, რომ გორის ჰოსპიტლიდან პენიტენციური სამსახურის მანქანა გავიდა და თან ახლდა პოლიციის ესკორტი. შიმშილობიდან 50-ე დღეს პატიმრობაში მყოფი სააკაშვილი გადაიყვანეს სწორედ გორის ჰოსპიტალში.
ნეტგაზეთი ცდილობს პენიტენციურ სამსახურთან დაკავშირებას სააკაშვილის სასამართლოს შენობაში გადაყვანასთან დაკავშირებით უფრო მეტი ცნობის მისაღებად.
დღეს თბილისის საქალაქო სასამართლოში მიხეილ სააკაშვილის სასამართლო პროცესი უნდა გაიმართოს. სააკაშვილმა რამდენიმე დღის წინ მორიგი წერილი გაავრცელა, რომელშიც სთხოვა მის მხარდამჭერებს სასამართლოსთან საპროტესტო აქცია გაემართათ.
„გთხოვთ, 29-ში ჩანიშნულ პროცესზე სასამართლოსთან შეიკრიბოთ“ – სააკაშვილი
