“არც ერთ ეპიზოდში ის ბრალს არ აღიარებს,” – განცხადა ადვოკატმა ბაჩუკი ყურაშვილმა.
რაც შეეხება კიდევ ერთ დაკავებულს – მე-4 ბრიგადის მეთაურ ზურაბ შამათავას, მას ბრალი სისხლის სამართლის კოდექსის 333-ე მუხლის მესამე ნაწილით წაუყენეს. ადვოკატ დავით დეკანოიძის თქმით, ბრალს არც შამათავა აღიარებს.
ამავე – სამსახურებრივი უფლებამოსილების გადამეტების მუხლით წაუყენეს ბრალი გაერთიანებული შტაბის უფროსს – გიორგი კალანდაძესაც.
ადვოკატების განცხადებით, სამივე შემთხვევაში მტკიცებულებები ეფუძნება ფიზიკური პირების ჩვენებებსა და განცხადებებს.
შეგახსენებთ, ახალაია, კალანდაძე და შამათავა პროკურატურამ 7 ნოემბერს დააკავა.
სისხლის სამართლის კოდექსის 333-ე მუხლის მესამე ნაწილისთვის სასჯელის ზომად გათვალისწინებულია 5-დან 8 წლამდე თავისუფლების აღკვეთა. რაც შეეხება სისხლის სამართლის კოდექსის 143-ე მუხლის მე-2 და მე-3 ნაწილს, იგი 10 წლამდე თავისუფლების აღკვეთას ითვალისწინებს.