”‎2012 წლის 6 ივლისს, დაახლოებით 11:35 საათზე, სოციალურ ქსელსა და ცალკეული მედიასაშუალებების მიერ გავრცელდა ინფორმაცია გლდანის #8 სასჯელაღსრულების დაწესებულებაში მომხდარ არეულობასა და დაწესებულებაში სპეციალური დანიშნულების რაზმის შესვლის თაობაზე.

2012 წლის 7 ივლისს, 00:30 საათზე, საქართველოს სახალხო დამცველის წარმომადგენელები იმყოფებოდნენ გლდანის#8 დაწესებულებაში. ვიზიტის დროს მათ შემოიარეს დაწესებულების ყველა კორპუსი. დაწესებულება ფუნქციონირებს ჩვეულ რეჟიმში და მასობრივი არეულობისა ან რაიმე ინციდენტის ნიშნები არ აღინიშნება.

საქართველოს სახალხო დამცველი მოუწოდებს ყველა დაინტერესებულ მხარესა და ფიზიკურ პირებს, მომავალში თავი შეიკავონ გადაუმოწმებელი ინფორმაციის გავრცელებისგან, რადგან ყოველივე ამან შესაძლებელია ზიანი მიაყენოს თავისუფლებაღკვეთილ პირებს და ასევე მათი ოჯახის წევრებს და ახლობლებს.

თუკი რომელიმე დაინტერესებულ პირს აქვს რაიმე სახის კონკრეტული ინფორმაცია, შეუძლიათ დაუკავშირდნენ სახალხო დამცველის აპარატს შემდეგ ტელეფონის ნომრებზე 223 44 99 ან 577 50 52 30”- ნათქვამია ომბუდსმენის განცხადებაში.

ომბუდმენის განცხადებიდან მალევე ფეისბუქში, ოფიციალურ გევრდზე, სასჯელაღსრულების პრობაციისა და იურიდიული დახმარების საკითხთა მინისტრმა ხათუნა კალმახელიძემ შემდეგი შინაარსის განცხადება გამოაქვეყნა: ”სამწუხაროდ, გავრცელდა მორიგი, სრულიად უპასუხისმგებლო, ცრუ ინფორმაცია გლდანის #8 დაწესებულებასთან დაკავშირებით. აღნიშნული ინფორმაცია გამიზნულად ცდილობს საზოგადოების შეცდომაში შეყვანას, რითაც ზოგიერთი სუბიექტი საერთოდ არ ითვალისწინებს პატიმრების ოჯახების წევრების მდგომარეობას. მინდა დავამშვიდო ოჯახის წევრები – ნუ ინერვიულებთ ამ თემაზე, რადგან მორიგი სიცრუეა”.