საქართველოს სტატისტიკის ეროვნული სამსახურის ინფორმაციით, 2010 წლის III კვარტალში საქართველოში, წინასწარი მონაცემებით, 160 433,4 ათასი აშშ დოლარის ოდენობის პირდაპირი უცხოური ინვესტიცია განხორციელდა.
პირდაპირი უცხოური ინვესტიციები ქვეყნის უმნიშვნელოვანესი ფინანსური ინსტრუმენტის – საგადასახდელო ბალანსის მნიშვნელოვან კომპონენტს წარმოადგენს. ინვესტიციების ყველაზე დიდი ოდენობა-49 695,3 ათასი აშშ დოლარი საფინანსო სექტორში განხორციელდა, რომელიც, საბანკო სფეროს გარდა, მიკროსაფინანსო ორგანიზაციებში განხორციელებული პირდაპირი უცხოური ინვესტიციების მონაცემებსაც მოიცავს.
მშენებლობის სფეროში 2 158,1 ათასი აშშ დოლარის ოდენობის პირდაპირი უცხოური ინვესტიცია განხორციელდა, ხოლო ტრანსპორტისა და კავშირგაბმულობის სფეროში –40 538,7 ათასი აშშ დოლარი, უძრავი ქონების სფეროში – 33 599,0 ათასი აშშ დოლარი. მათ შორის, სოფლის მეურნეობაზე 3 228,8 ათასი აშშ დოლარი მოდის.
რაც შეეხება მრეწველობას, მასში 3 228,8 ათასი აშშ დოლარის ოდენობის პირდაპირი უცხოური ინვესტიცია განხორციელდა, ხოლო ენერგეტიკაში – 16 044,0 ათასი აშშ დოლარი, სასტუმროებსა და რესტორნებში კი – 1 322,3 ათასი აშშ დოლარი.
უცხოური პირდაპირი ინვესტიციების ყველაზე მცირე ოდენობა-604,6 ათასი აშშ დოლარის ინვესტირების სფერო, ჯერჯერობით, უცნობია, ვინაიდან პრივატიზაციის პროცესის შედეგად არარეზიდენტი ფიზიკური და იურიდიული პირების მიერ შესყიდული უძრავი ქონება და მათი მომავალი საქმიანობის პროფილი ამ ეტაპზე განსაზღვრული არ არის.