„SecondMarket“-მა „Mashable“-ს იმ კერძო საიტების სია გაუზიარა, რომლებიც მის მომხმარებლებს შორის ყველაზე პოპულარულია.
- Facebook – მისთვის პირველი ადგილის მინიჭება ყველასთვის ადვილი გამოსაცნობი იქნებოდა. კომპანიის ცნობით, მის მომხმარებელთა 25% „Facebook”-ზეა. სოციალური ქსელის შემოსავალმა 2010 წელს 2 მილიარდი დოლარი შეადგინა.
- LinkedIn – სოციალური ქსელის წარმომადგენლების თქმით, ბოლო თვეში აღნიშნულ საიტზე 85 მილიონი ადამიანი დარეგისტრირდა. მას ყოველ წამს ახალი წევრი ემატება. წლის დასაწყისში კომპანია 2 მილიარდ დოლარად შეაფასეს.
- Twitter – იგი საბოლოოდ შეეცადა ფულის გამომუშავებას tweet-ების დაწინაურებით. მისი შემოსავალი 200 მილიონი დოლარით გაიზარდა და ჯამში 3,7 მილიარდ დოლარს შეადგენს.
- Zynga – სოციალური თამაშების (FarmVille და Mafia Wars) წყალობით კომპანიას 45 მილიონზე მეტი აქტიური მომხმარებელი ჰყავს.
- Craigslist – კომპანია ფულს რეკრუტირებით (პერსონალის მოზიდვის პროცესი) შოულობს. ბოლო დროს მას იურიდიული სექცია გამოაკლდა, რომელიც საიტის შემოსავლის 30%-ს შეადგენდა.
- Groupon – საიტი, რომლის შემოსავალიც დაახლოებით 800 მილიონი დოლარია, Google-ის ყურადღების ცენტრში აღმოჩნდა და ეს უკანასკნელი მზად იყო, მასში 5.3 მილიარდი დოლარიც კი გადაეხადა.
- Yelp – 2010 წელს მასში უფრო მეტი ინვესტიცია ჩაიდო, რამაც კომპანიას ახალი შესაძლებლობები მისცა.
- SecondMarket – იმის გათვალისწინებით, რომ კომპანიით ინვესტორები დაინტერესდნენ, მისთვის მერვე ადგილი მოსალოდნელი იყო.
- Pandora – 2009 წლის ბოლოსთვის კომპანიის შემოსავალი 50 მილიონი დოლარი იყო. 2010 წლის დასაწყისის პროგნოზით კი ეს თანხა წლის ბოლომდე 100 მილიონ დოლარამდე გაიზრდება.
- Bloom Energy – საიტმა, რომელიც ნამდვილად იწვევს მომხმარებლების ინტერესს, უკვე 400 მილიონიანი დაფინანსება მოიპოვა.
